Studju lingwistiku folkloristiku ta' snajja' bikrin Maltin

Abstract

L-għan tiegħi f'dan ix-xogħol se jkun li niġbor il-materjal ewlieni fuq is-snajja' Maltin, inżid miegħu iehor oriġinali, u nanalizza kollox biex noħroġ l-isfond soċjali u lingwistiku dwar ix-xogħol bikri Malti in ġenerali u dwar għadd ta' snajja', uħud il-lum mejta, b'mod partikolari. Se nfittex li nifhem ix-xogħol fil-kuntest tas-soċjeta` Maltija, kif ukoll il-ħsebijiet u l-għajdut tal-ħaddiem dwar senegħtu. Biex nasal għal dan il-ħsieb, ikkonsultajt diversi kitbiet u kellimt ħafna mgħallmin f'Malta u f'Għawdex. Dan ma jfissirx li ma baqax x'wieħed iżid, kemm fuq l-aspetti li trattajt, kif ukoll fuq aspetti oħra. Madanakollu nista' ngħid li mraħt fil-wisa` fil-kap ta dawn l-istudji.