Traduzzjoni tal-ktieb Many Lives, Many Masters ta' Dr Brian Weiss Ii jittratta l-perċezzjoni ekstra sensorjali u r-riinkarnazzjoni

Abstract

Wara l-qari tal-ktieb Many Lives, Many Masters / Ħafna Ħajjiet, Ħafna Mgħallmin, indunajt, bhal Dr Weiss, li ' ... hemm aktar fil-ħajja minn dak li jidher li hemm. Il-ħajja tmur lil hinn mill-ħames sensi u għandna nkunu lesti nilqgħu għarfien u esperjenzi godda.' Għalhekk ħadt id-deċizjoni li nittraduċi dan il-ktieb, li jittratta dwar il-qasam tal-Perċezzjoni Extra Sensorjali (il-PES) u r-Riinkarnazzjoni. Dawn is-suġġetti għadhom tabilħaqq inxuri hawn Malta; għalhekk ħassejt il-ħtieġa li nirriċerka b'mod analitiku dawn il-fenomeni qabel nidħol għat traduzzjoni tal-ktieb sabiex xogħli jkun kemm jista' jkun awtentiku. Ħejjejt glossarju dettaljat tat-termini li għandhom x'jaqsmu mas-suġġett bit-tifsira tagħhom, u llestejt żewġ listi oħra ta' termini mill-Ingliż ghall-Malti u viċi versa, sabiex waqt li jservu lili ta' referenza jien u nittraduċi l-mitejn u dsatax-il paġna tal-ktieb, jiffaċilitaw ix-xogħol għal min jaqrahom u għal min jikteb dwar dan is-suġġett warajja. L-analiżi li ssegwi turi b'mod ċar kif ħaddimt l- għodod tal-mestier kull fejn iltqajt ma' problemi u jservi ta' appoġġ għad-deċiżjonijiet li kelli nieħu l-ħin kollu.