L-għejun ta' l-istorja ta' l-ilsien Malti : ġabra ta' dokumenti bil-Malti mill-bidu sa Vassalli

Abstract

Sal-lum kienu ftit wisq id-dokumenti bi lsienna li kienu magħrufin ma' min jistudja l-Malti. Mill-qari ta' kotba fuq l-istorja soċjali lokali bdejt niehu l- impressjoni li l-għadd ta' dokumenti li fil-fatt kellhom xi ħaġa bil-Malti kien bil wisq ikbar. Għalhekk dħalt għal din il-ġabra, għax biha ridt indomm korpus kif imiss u nipprovdih lir-riċerkaturi. Ġbartu fuq medda ta' għaxar snin u jekk illum qiegħed f'idejk, ghax sibt l-għajnuna ta' bosta. Se ssib bosta materjal li qed jidher l-ewwel darba. Xi wħud minnu għaddewhuli l-ex-studenti tad-Dipartiment ta' l- Istorja fl-Universita; huma għaddewhuli bla tkewtil, anzi b'ġenerożita li ma bħalha ... ħaqqhom jissemmew Dr William Zammit u Anthony Camenzuli.