Il-Vanġelu ta' San Ġwann tradott minn Dr Giuseppe Grima (c.1822-1829)

Abstract

F’din it-teżi ser nitratta t-traduzzjoni tal-Vanġelu ta’ San Ġwann li għamel wieħed Għawdxi li bħal Vassalli, għex taħt it-tliet saltniet. Minn dejjem kienet taffaxxinani l-kitba antika bil-Malti kif ukoll l-istorja ta’ pajjiżna u permezz ta’ din it-teżi ħassejt li stajt norbot dawn iż-żewġ elementi flimkien. Issa peress li jien ukoll Għawdxija ħsibt li b’hekk inkun nagħti wkoll ġieħ lil personaġġ li ta sehmu fl-istorja kif ukoll fil-mixja tal-iżvilupp tal-Malti kif kien jiġi miktub. Qabel it-teżi tiegħi, ftit kienu dawk li kitbu dwar Dr Giuseppe Grima. Nispera li b’dean ix-xogħol inkun tajt l-ewwel dettalji tax-xogħol tiegħi li joħorġu diversi elementi lingwistiċi interessanti fuq l-ilsien Malti tal-ewwel kwart tas-seklu dsatax. Jekk irnexxieli, inkun ħriġt għad-dawl lil dan il-personaġġ biex jingħata l-ġieħ li jixraqlu għal dak li wettaq fil-qasam lingwistiku.