In-Naduri : is-sistema vokalika u differenzi lessikali

Abstract

It-teżi tistħarreġ aspetti tal-fonoloġija u tal-lessiku li nsibu fin-Nadur Għawdex. Bħala daħla jingħata tagħrif fuq fatturi storiċi, soċjali u lingwistiċi marbutin mar-raħal. F’dan il-kapitlu daħħalt żewġ mappi fejn fihom ġew immarkati l-postijiet li ssemmew fl-istess kapitlu għall-benefiċċju tal-qarrej. Il-qofol tat-teżi hu l-analiżi fonoloġika tas-sistema vokalika u d-differenzi li jokkoru bejn in-Naduri u l-Malti Standard. Għal dik li hi l-analiżi fonoloġika tas-sistema vokalika tan-Naduri, l-interess tiegġi f’din it-teżi kien wieħed prattiku. Xtaqt nara kif toħroġ l-identità fonoloġika tan-Naduri (meta tqabblu mal-Malti standard) f’dik li hi s-sistema vokalika tiegħu. Ridt ikolli għodda biex biha nkun nista’ nittraskivi l-intervisti li għamilt (ara appendiċi 3), fejn wieħed jista’ jara t-tħaddim tan-Naduri fil-ħajja ta’ kuljum, kif ukoll għall-kliem imdaħħal fil-glossarju.