It-teatru politiku Malti tas-snin tmenin : analiżi ta' testi ewlenin

Abstract

Qabel xejn tajjeb nagħmlu distinzjoni importanti li żgur jeħtieġ li nikkunsidraw qabel nibdew naqraw dan ix-xogħol. Huwa minnu li anke l-aktar djalogu sempliċi meħud mill-ħajja ta' kuljum jista' jitqies bħala dramm. Fuq kollox nistgħu nikklasifikawh ukoll bħala att politiku, la darba kull interazzjoni bejn żewġ persuni jew aktar tista' titqies politika. Essenzjalment, it-teatru politiku li ser nanalizza f dan ix-xogħol, huwa dak it-tip ta' teatru li jiddiskuti avvenimenti jew aħjar temi ta' bixra ‘purament’ politiċi u għalkemm skond it-teorija ta' Boal kull rapprezentazzjoni teatrali jista' jkollha implikazzjonijiet politiċi, it-terminu 'politiku' kif ittrattajtu jien, huwa fis-sens dejjaq tal-kelma. Fi kliem ieħor dan huwa tip ta' teatru li huwa konxjament miktub biex permezz tal-forma u wisq aktar tal-kontenut, joħodha kontra l-istabbiliment.