Il-vokattiv fil-lirika minimalista ta' Gioele Galea

Abstract

Minħabba t-tendenza tiegħu Ii jagħti l-massimu tal-esperjenza spiritwali bil-minimu tad-diskors poetiku, Gioele Galea sikwit jikkondensa t-temperament ta' poeta agitat għal go xbieħa poetika waħda u essenzjali. Ħafna drabi din ix-xbieha tinbena mixxejriet indigeni tal-ambjent Malti, iżda l-aspetti familjari tagħha jaħznu fihom il-movimenti kollha ta' ruħ volatili. Waqt Ii fuq naha l-pajsagg Malti-daqqiet naturali u daqqiet oħra urban - jagħti Iil Galea l-mezz konkret biex jevita t-triq lejn mistiċiżmu vag, fuq in-naħa l-oħra l-istess pajsagg mhuwiex għajr predikament tar-ruh, jigifieri dehra tangibbli tal-mod kif tiżvolgi r-rivelazzjoni siekta, intensa, u reverenzjali ta' poeta dejjem ħerqan biex jeċċedi l-limiti tad-dinja empirika tiegħu minn go fiha stess. Anki l-aktar movimenti effimeri u sofistikati tar-ruh jiksbu grad ta' materjalita f'dan id-dominju poetiku Ii jiskopri t-traxxendenza f'oggetti kultant banali. B'konsegwenza ta' dan, l-oġġetti materjali jibdew jipprovdu l-istess profondita u enimmi tal-funzjonijiet ineffabbli tal-kuxjenza, sakemm il-fenomeni viżibbli tad-dinja jsiru r-reċipjenti tal-aġenzija inviżibbli Ii qieghda tmexxi lis-sensibilita lirika u spiritwali.