Verżjoni(jiet) bil-Malti ta’ Le Petit Chaperon Rouge

Abstract

Minkejja li għandna diversi verżjonijiet bil-Malti tal-ħrafa 'Little Red Riding Hood' fosthom it-traduzzjoni ta' Ġuzi Mallia It-tifla ċkejkna tal-barnuż aħmar, ta’ Trevor Zahra Barnuża-Ħamra, dik ippubblikata fis-sensiela 'Naf Naqra intitolata It-Tifla tal-Baruża l-Ħamra u l-aktar waħda riċenti maqluba minn Noel Tanti, Barnuża Ħamra, mir-riċerka Ii għamilt, kif ukoll skont Cossai (5), jidher Ii għad m'għandniex traduzzjoni bil-Malti ppubblikata ta’ Le Petit Chaperon Rouge ta' Charles Perrault. Mallia ħadem mill-istorja ta' Jacob u Wilhelm Grimm, Rotkappchen ippubblikata għall-ewwel darba fl-1812. Skont is-sit tal-Libreriji Pubbliċi Maltin, it-traduzzjoni ta' Zahra wkoll hija bbażata fuq l-istorja tal-aħwa Grimm; għal It-Tifla tal-Barnuża I-Ħamra jidhru bħala awturi Lefevre, Loiseaux, Nathan-Deiller u Van Gool iżda ħadd ma huwa mniżżel bħala traduttur, filwaqt Ii t-traduzzjoni ta' Tanti saret mit-Taljan.