L-Università ta' Malta
 

Politika ta' Aċċessibbiltà
Dħul Dħul
 
 
 
Aħbarijiet tal-Kampus
Mappa tal-Kampus
 

L-Università ta’ Malta hi impenjata li tagħmel l-informazzjoni kollha tagħha aċċessibbli għal kulħadd mis-sit elettroniku tagħha. Matul is-sit kollu ġew implimentati prinċipji ġenerali tan-navigazzjoni u tal-użu biex jgħinu lill-viżitaturi kollha. L-Università hi impenjata li tiżgura li s-sit tagħha jkun aċċessibbli wkoll għall-persuni b’xi forma ta’ diżabbiltà. Għaldaqstant, l-Università hi impenjata li tiżgura li l-paġni elettroniċi tagħha jkunu konformi mal-W3C/WAI's Web Content Accessibility Guidelines 1.0 u mal-Livell ta’ Konformità Double A.

Ladarba l-portal tal-Università għaddej minn perjodu tranżitorju, sakemm l-informazzjoni kollha timxi għall-galvi l-ġodda, hu possibbli li l-paġni l-qodma ma jkunux konformi ma’ dawn l-istandards. Madankollu, bħala tim, aħna qed niddiskutu b’mod attiv mal-fornituri kollha tal-informazzjoni biex niżguraw li l-paġni elettroniċi l-ġodda jkunu konformi ma’ dawn il-linji gwida ta’ aċċessibbiltà. Għandna l-ħsieb li nkomplu ntejbu u nsaħħu l-aċċessibbiltà fis-sit tagħna. Jekk tiltaqa’ ma’ xi diffikultà biex taċċessa s-sit, jew jekk ikollok xi suġġerimenti li jgħinuna ntejbu l-aċċessibbiltà, inħeġġuk tikkuntattjana.
 
 
Aġġornata l-aħħar: 10/3/2010

Log In