https://www.um.edu.mt/library/oar/handle/123456789/55063 2026-06-05T21:54:04Z 2026-06-05T21:54:04Z https://www.um.edu.mt/library/oar/handle/123456789/55202 2020-05-03T05:11:56Z 2013-01-01T00:00:00Z

Title: Lehen l-Art Imqaddsa : Numru 182 : Ottubru-Dicembru : 2013 Editors: Chircop, Twanny Abstract: Rivista Biblika li toħroġ kull tliet xhur mill-Kummissarjat tal-Art Imqaddsa tal-Provinċja Franġiskana Maltija.

2013-01-01T00:00:00Z https://www.um.edu.mt/library/oar/handle/123456789/55200 2020-05-03T05:12:18Z 2013-01-01T00:00:00Z

Title: Tel Arad Abstract: L-għolja ta’ Tel Arad (570 metri) tiddomina n-Negev ċentrali, fejn jintemmu l-Għoljiet tal-Lhudija. Fuq il-quċċata ta’ din l-għolja hemm il-fdalijiet ta’ żewġt ibliet, waħda li tmur lura għall-epoka tal-Bronż Antik (3200 q.K.) u l-oħra għall-perjodu Israelita (1000-586 q.K.). Ftit bogħod minnha tinsab il-belt Nabatea ta’ Mampsis (Mamshit), li fiha tifkiriet Kristjani prezzjużi.

2013-01-01T00:00:00Z https://www.um.edu.mt/library/oar/handle/123456789/55191 2020-05-03T05:12:06Z 2013-01-01T00:00:00Z

Title: Id-djakni fil-knisja... sejha ghad-Djakonija Abstract: Il-kelma griega għal djaknu hija ‘diakonos’ li nsibuha 29 darba fil-Ġdid Testemnt, litteralment il-kelma tfisser ‘dak li jservi f’nofs (dia) imwejjed’ (ara Matt 22:13 u Ġwanni 2:5-9). Kristu (Kyrios) nnifsu hu msejjaħ diakonos f ’Rum 15:8 u Gal 2:17. Is-sejħa għad-djakonat insibuha rrakkontata b’mod ċar fil-ktieb tal-Atti tal-Appostli miktub minn San Luqa, fejn naraw il-għażla tas-seba` djakni, fosthom lil San Stiefnu li ta xhieda tad-djakonija tiegħu bl-iktar mod perfett permezz tal-martirju: “...u ħatru ’l Stiefnu, raġel mimli bil-fidi u bl-Ispirtu s-Santu, u ’l Filippu u ’l Prokoru u ’l Nikanor u ’l Timon u ’l Parmenas u ’l Nikolas, proselitu minn Antijokja; qegħduhom quddiem l-appostli, u dawn talbu u qiegħdu jdejhom fuqhom.” (Atti 6:5-6). Dawn id-djakni ġew maħturin mill-appostli mmexxija mill-Ispirtu s-Santu, sabiex jgħinuhom fil-ħafna xogħol tagħhom qalb l-ewwel komunitajiet insara. Id-djakni magħżula minn fost il-komunità ġew ippreżentati quddiem l-appostli li talbu flimkien u poġġew idejhom fuqhom sabiex iwettqu l-missjoni meħtieġa tagħhom. Bħala ministeru żgur li kellhom l-organizazzjoni tal-agape fil-liturġija u l-ministeru tal-karità tal-isqof.

2013-01-01T00:00:00Z https://www.um.edu.mt/library/oar/handle/123456789/55182 2020-05-03T05:12:17Z 2013-01-01T00:00:00Z

Title: Storja tal-Frangiskani fl-Art Imqaddsa : ic-Cenaklu u t-twelid tal-Kustodja tal-Art Imqaddsa Abstract: Iċ-Ċenaklu u l-proprjetà ta’ madwaru rajna li nxtara fl-1335 bil-ħila ta’ fra Roger Guérin megħjun bis-sħiħ min-nobbildonna Margherita ta’ Sqallija. L-att tax-xiri kien possibbli wara trattattivi ibsin mal-awtoritajiet Musulmani li kienu jaħkmu Ġerusalemm, u protagonist f ’dawn it-trattattivi kien Melek en-Naser Mohammed, Sultan tal-Eġittu (1310-1341), li l-kronista tal-Kruċjati, l-isqof Jacques de Vitry, isejjaħlu Christianos diligens (iħobb lill-insara). Min-naħa Kristjana l-protagonisti li daħlu fi trattattiva uffiċjali mas-Sultan kienu wkoll rjali, jiġifieri r-Re Roberto d’Anjou u martu r-Reġina Sancia ta’ Majorca, li kienu r-rjali ta’ Napli u Sqallija (Regno delle Due Sicilie). Dawn kienu l-akbar benefatturi tal-Franġiskani tal- Art Imqaddsa, u huma meqjusa bħala strumentali biex għenu lill-Franġiskani jiksbu għall- Kristjanità l-Postijiet Qaddisa tal-Fidwa.

2013-01-01T00:00:00Z