Mill-maħżen tal-kumitat

Abstract

Sena taf tgħaddi u lanqas tkun indunajt jekk wieħed ma jieħux l-affarijiet bis-serjeta'. Għalhekk l-importanza ta' pjan ta' ħidma f'kull biċċa xogħol li wieħed jkun ser jagħmel. U hekk jagħmel kull sena l-kumitat eżatt kif tgħaddi l-festa. L-ideat jibdew iberrnu minn xhur qabel fl-imħuħ tal-membri u fil-jiem tal-festa, waqt iċ-ċelebrazzjonijiet stess, wara li l-kumitat ikun lesta xogħlu l-kbir u jkun qed jgawdih b'sodisfazzjon, il-membri ssoltu jitkellmu fuq ix-xogħol li sar filwaqt li jaqsmu ma sħabhom xi ideat għas-sena ta' wara sabiex il-festa tkun isbaħ u akbar sena wara sena. Tgħaddi l-festa u jiġu l-ewwel laqgħat ta' warajha meta kulħadd ipoġġi l-ħsibijiet u l-ħolm tiegħu fuq mejda għad-diskussjoni.