L-arloġġ u l-qniepen tal-Ave Maria

Abstract

L-arloġġ tas-Santwarju f'Ħaż-Żabbar idoqq il-melodija tal-Ave Marija, li tfakkar fid-devozzjoni lejn il-Madonna ta' Lourdes. Din id-devozzjoni żdiedet bil-qawwi f'Ħaż-Żabbar malli Dun Alwig Catania sar Kappillan fl-1925. Dun Alwig Catania kellu x-xewqa li l-arloġġ tal-knisja idoqq l-Ave Marija bħal dak li kien impressjonah f'Lourdes, li tlesta fl-1908 u jinsab f'kampnar għoli 70 metru. Fl-1930, Catania ddeċieda li jissostitwixxi l-arloġġ antik tal-1753 b'wieħed ġdid li jdoqq din il-melodija. Il-kappillan ikkommisjona lil arloġġar Matli Salvu Demanuele, li kien ħadem ukoll arloġġi għall-barracks ta' St. Andrew's u s-Santwarju tal-Mellieħa. Demanuele bena l-arloġġ ta' Ħaż-Żabbar fi 14-il xahar, u lestih f'Awwissu tal-1931. Minħabba l-kriżi ekonomika bejn iż-żewġ gwerer, il-prezz tal-bronż kien għoli ħafna, għalhekk il-Kappillan Catania ddeċieda li l-qniepen isiru mill-ħadid. Matul is-snin saritilhom ħsara minħabba l-elementi u fis-snin ħamsin espert kien ġa ta l-parir li jidgawdew kemm jistgħu u jinbidlu, fil-fatt fl-2009 bil-ħeġġa u l-impenn ta' Dun Sebastjan Caruana nbidlu b'sett ġdid mid-ditta Franċiża Packard ta' Annecy.