Il-poezija Maltija tat-tieni nofs tas-seklu ghoxrin : riflessjonijiet dwar it-temi ewlenin

Abstract

It-tibdil taż-żmien iġib miegħu modi u xejriet ġodda, għallinqas fil-forma (biex nislet ħsieb komuni ħafna fil-kritika). Tibdil politiku radikali, imbagħad, ma jistax ma jqanqalx mill-qiegħ is-saff sod fejn bħallikieku tidher l-aktar l-identita milqugħa u mistqarra bħala komuni. Għad li l-kronologija tal-ġrajjiet politiċi hi ċara, il-kronologija tal-ġrajja ta' l-ispirtu m'hijiex. M'hix ħaga ħafifa, ngħidu aħna, li wieħed igħid meta daħlu x-xejriet reċenti fil-poeżija Maltija. Xi elementi minnhom jinstabu diġa f'Rużar Briffa. Dibattitu dwar il-'moderniżmu' (f'dan il-każ ir-realiżmu) insibuh diġa mfisser bit-Taljan f'Malta fis-seklu l-iehor. Dawn il-ftit riflessjonijiet ħfief huma biżżejjed biex wieħed jifhem kemm il-kritika ma taqtax linja dritta bħalma tagħmel l-istorjografija politika li tistħarreg il-ġrajjiet u mhux ix-xejriet, il-fehmiet, l-attitudnijiet u I-bqija.