L-Antifona Beate Juliane (1893) ta’ Dr. Paolo Nani : it-tieni parti

Abstract

L-ewwel parti ta’ dan l-artiklu deher fil-ħarġa tal-annwal tas-sena l-oħra (Ara Lapsi 2013, pġ. 24-39), fejn kont laqqajtkom mal-Antifona Beate Juliane tal-1893 ta’ Mro. Dr. Paolo Nani, li mbagħad spiċċat iddedikata lill-Qaddisin Martri Krispin u Krispinjanu. Fih iffokajt biss fuq ix-xogħol inġenerali bla ma qgħadt noqgħod nidħol f’wisq dettal f’dik li hija analiżi. Irrid infakkar li, is-sena l-oħra kien jaħbat il-120 sena minn meta nkitbet din l-Antifona. Kif wegħdtkom fl-ewwel artiklu wkoll, f’din it-tieni parti ser inkun qed niddiskuti l-antifona mill-aspett mużikali tagħha, speċjalment fejn tidħol l-istruttura u t-taqsimiet varji tagħha, kif ukoll nanalizza bl-akbar reqqa l-ħjut mużikali li minnhom huwa msensel wieħed mill-eqdem teżori prezzjużi li seta’ qatt kellu s-subborg marittmu ta’ San Ġiljan.