Bormla u l-Arlogg Wahdieni Taghha

Abstract

Il-preżenza ta’ arloġġ fuq il-faċċata tal-knisja ta’ Bormla hija waħda qadima ħafna. Meta bdiet tinbena l-knisja l-ġdida, kellha arloġġ fuq il-faċċata tagħha. L-ewwel arloġġ tal-knisja jmur għal qabel l-1684, jiġifieri d-data ta’ meta bdiet tinbena dik il-ġdida. Dan l-arloġġ qadim kien reġa’ tqiegħed fuq il-faċċata ta’ din il-knisja ġdida. Bħalma jiġri f’kull ħaġa mekkanika, maż-żmien beda jinħass il-bżonn li jinbidel. Dan il-bżonn ma kienx ġej biss mill-‘wear and tear’ tal-oġġett, iżda wkoll mill-fatt li wieħed ikun jixtieq li jkollu arloġġ aktar modern u preċiż. Kien żmien meta l-knisja kienet litteralment

iżżomm il-ħin għaliex ftit kienu dawk il-familji li kellhom arloġġ id-dar. L-arloġġ tal- knisja kien imexxi l-ħajja tan-nies.