Knisja rilevanti b'lingwagg li jaghmel sens

Abstract

Fit -tieni sessjoni ser nirriflettu u niddisku tul-viżjoni u d-direzzjoni tal-Knisja. F'dan li ġej ser nipproponi seba' ideat sempliċi li ser iservu ta' sfond u pedament għal dak li ser jippreżentaw il-kelliema magħżula. B'li ser nikteb hawn irrid insammar punt kruċjali fil-qasam tal-ekkleżjoloġija li hu l-kredibilra tal-Knisja. Jekk hemm viżjoni u direzzjoni li l-Knisja f'Malta għandha tagħraf, bla dubju jikkonċernaw il-"kif" u l-"għaliex" hi rilevanti għannies ta' kull żmien, partikolarment illum. Bħalma r-Rivelazzjoni toħroġ il-qawwa u s-sinifikat tagħha b'mod partikolari fl-istorja tal-bniedem, hekk ukoll il-Knisja-sagrament hi rilevanti għax magħġuna mal-esperjenza u mal-għatx eżistenzjali tal-bniedem. F'dawn is-seba' punti ser immiss realtajiet li l-Knisja minn żmien għall-ieħor trid tindirizza, filwaqt li nintroduċi kull ħsieb bi frażi ċentrali bħala stimolu għar-rifessjoni.