Introduzzjoni generali : dixxerniment u impenn

Abstract

Fl-2003, il-Knisja lokali temmet il-proċess tas-Sinodu Djoċesan li kien esperjenza ekkleżjali ta' mixja flimkien ta' dixxerniment profond, li ħadu sehem fiha mijiet ta' lajċi u saċerdoti. Kien l-ewwel Sinodu Djoċesan wara l-Konċilju Vatikan it-tieni. Kienet fuq kollox opportunita unika ta' parteċipazzjoni attiva fi proċess dinamiku ta' riflessjoni dwar il-missjoni pastorali tal-Knisja lokali. Din l-esperjenza għandha tibqa' punt importanti ta' riferiment biex nifhmu l-ħidma pastorali tad-djoċesi matul dawn l-aħħar tnax-il sena. Ir-riflessjonijiet u l-għażliet pastorali li ħarġu minn dan is-Sinodu ġew miġbura fi tmien dokumenti li jittrattaw diversi temi: il-viżjoni ta' Knisja komunjoni, il-kultura u s-soċjeta u l-Knisja, ix-xandir tal-Kelma, il-liturġija u s-sagramenti, iddjakonija u l-ġustizzja, iż-żwieġ u l-familja, u l-adolexxenti u z-żgħażagħ. Wara s-Sinodu kienu ħarġu żewġ dokumenti oħra dwar il-persuni b'diżabilta u dwar il-midja (il-wiċċ diġitali tal-Mulej). Dawn id-dokumenti għandhom valur kbir għaliex huma frott ta' proċess ta' djalogu, riflessjoni, komunjoni u dixxerniment ekkleżjali.