Naghzlu zvilupp sostenibbli

Abstract

li-kunċett tal-iżvilupp sostenibbli naħseb li diġa smajtu fuqu u mhux ser naħli ħin nispjegah, imma l-fatt li użajt stampa ta' għasfur fil-bidu tal-preżentazzjoni tiegħi, awtomatikament wassalt messaġġ partikolari tal-kunċett ta' żvilupp sostenibbli. Naħseb li għal ħafna minnkom dan il-kunċett jintrabat ma' kwistjonijiet dwar kaċċa, siġar u affarijiet simili. Kieku użajt stampa ta' pannelli fotovoltajċi ħafna kienu jaraw kontijiet tad-dawl jonqsu, possibiltajiet ta spazji fejn inpoġġu dawn l-affarijiet. Min jaf kieku użajt stampa ta' ċentru ta' detenzjoni tal-immigranti irregolari x'kien jiġi f'moħħna? Jien u Mark ma ttiehmniex fuq xiex se nitkellmu, imma donnu l-Ispirtu kien qed jonfoħ fuq l-istess naħa. L-ewwel problema li għandna bilkunċett ta' żvilupp sostenibbli hi li ħafna drabi nirrelegawh biss għal kwistjonijiet assoċjati mal-ambjent naturali. Mhux għax l-ambjent naturali mhux importanti, ċertament li hu, imma huwa wieħed mill-ħafna interessi ta' żvilupp sostenibbli.