Evangelizzazzjoni effettiva u awtentika

Abstract

Hemm diversi aspetti u fatturi li jiddeterminaw u jiddistingwu evanġelizzazzjoni effettiva u awtentika, minn xandir tal-Kelma li ma jġib ebda differenza reali u pożittiva fil-ħajja ta' dawk li jirċievuha. Għal dan il-għan se nkun qiegħed nesponi ħsibijiet dwar kif l-evaġelizzazzjoni fid-dinja post-moderna tista' tkun effettiva fost dawk l-aktar li jeħtieġuha. Għalkemm kull bniedem għandu bżonn urġenti li jisma' l-aħbar ta' salvazzjoni li ġab ilna Sidna Ġesu Kristu, se niffoka l-aktar fuq dawk li mhux neċessarjament iħossuhom "tal-Knisja" jew qrib il-Knisja. Filwaqt li metodi tradizzjonali ta' evanġelizzazzjoni jistgħu jaħdmu ma' dawk li huma ta' "ġewwa': wisq nibża' li għall-bqija, il-mod ta' kif qed inwasslu l-Evanġelju bħalissa, huwa ftit jew wisq aljen għalihom.