Il-poeti minuri f’’Il-Habib’ : analizi tematika

Abstract

Għodwa waħda tal-1912, Mons. Pawl Galea flimkien ma’ Ġużè Muscat Azzopardi ħarġu bl-idea li jagħtu bidu għal perjodiku bil-Malti bl-isem ta’ Il-Ħabib. Il-ħsieb wara din l-idea kien li ż-żgħażagħ ikollhom materjal li jiggwidahom lejn edukazzjoni morali u anki li jservi bħala inizjattiva għall-iżvilupp tal-letteratura Maltija. Għalhekk il-motiv prinċipali kien ta’ natura reliġjuża u soċjali u ‘l bogħod kemm jista’ jkun mill-kamp politiku. Stiednu lil Dun Karm, ħabib tiegħi mill-qodma, biex jikteb għall-ewwel darba poeżija bil-lingwa materna tiegħu. Ispirat minn xbiha tal-Madonna fl-appartament tiegħu, Dun Karm fassal il-poeżija ‘Quddiem Xbiha tal-Madonna’, poeżija li dehret għall-ewwel darba fil-11 ta’ Jannar 1912, fl-ewwel edizzjoni ta’ dan il-ġurnal. (Friggieri, Dun Karm Il-Bniedem fil-Poeta 45-46)

Dan kien il-punt tat-tluq għal sittax-il sena ta’ pubblikazzjonijiet letterarji, kemm minn poeti prominenti kif ukoll minn poeti minuri. Jispikka l-element qawwi ta’ għaqda li nissel dan il-ġurnal bejn diversi awturi u ġurnalisti, li ħadmu bis-sħiħ biex il-Malti jkun miktub b’mod korrett u b’hekk seta’ jibbenefika l-poplu inġenerali.