It-traduzzjoni mill-iSpanjol ghall-Malti tad-dramm Yerma ta' Federico Garcia Lorca

Abstract

Din it-teżi se tkun qed tiffoka fuq it-traduzzjoni tad-dramm Yerma (1934) ta’ Federico García Lorca, mill-Ispanjol għall-Malti. Matul it-traduzzjoni għamilt analiżi tat-traduzzjoni u tal-istrateġiji li użajt. Se nkun qed nikteb fuq xi teoriji li għandhom x’jaqsmu mat-traduzzjoni tad-drama u kif ukoll tal-poeżija, se niffoka dawn it-teoriji dwar il-problemi li jsib traduttur meta jittraduċi test għat-teatru u se nkun qed nikteb ukoll dwar l-istrateġiji ta’ kif traduttur jista’ jaqleb poeżija minn lingwa għal oħra. Se nsemmi wkoll l-ekwivalenza waqt it-traduzzjoni u l-metodu tat-Think-Aloud Protocols (TAPS). L-għan aħħari ta’ din it-teżi huwa li xi darba tittella’ fuq il-palk u sabiex f’Malta jkun hawn ċertu għarfien dwar il-letteratura Spanjola, speċjalment issa li għandna għad-dispożizzjoni tagħna t-traduzzjoni tad-drammi kważi kollha mit-triloġija famuża ta’ Federico García Lorca li huma Bodas de Sangre, Yerma u La Casa de Bernarda Alba.