It-traduzzjoni u l-analiżi ta' parti minn "Crónica de una muerte anunciada" mill-Ispanjol għall-Malti

Abstract

F’din it-teżi tidher it-traduzzjoni u l-analiżi tal-ewwel u l-aħħar kapitli ta’ Crónica de una muerte anunciada mill-Ispanjol għall-Malti. Dawn iż-żewġ kapitli jiddeskrivu kif Santiago Nasar qatta’ l-aħħar jum ta’ ħajtu u kif ġie maqtul u b’hekk huma fundamentali għall-bqija tar-rakkont. It-teżi tibda b’diskussjoni ta’ numru ta’ teoriji differenti dwar diversi aspetti tat-traduzzjoni. It-teżi tkompli b’bijografija qasira tal-ħajja ta’ Gabriel García Márquez u l-isfond ta’ Crónica de una muerte anunciada. It-tielet kapitlu juri l-ewwel u l-aħħar kapitli tal-oriġinal flimkien mat-traduzzjoni tagħhom. It-traduzzjoni tinkludi noti f’qiegħ il-paġina b’analiżi tad-deċiżjonijiet meħuda waqt il-proċess tat-traduzzjoni. Il-konklużjoni tagħti ħarsa ġenerali lejn din l-analiżi li tiffoka fuq diversi elementi: l-ismijiet propji ta’ nies u postijiet, is-sinonimi u/jew varjanti, l-elementi tal-kultura sors li jispikkaw u numru ta’ frażijiet kollokjali li jidhru matul iż-żewġ kapitli tradotti.