It-traduzzjoni ta' manwal tal-ewwel għajnuna u glossarju tat-termini tekniċi

Abstract

Din it-teżi tittratta t-traduzzjoni ta' manwal tal-ewwel għajnuna u glossarju magħmul mittermini tekniċi li jidhru fih. Fl-ewwel kapitlu ta' din it-teżi hemm tagħrif inġenerali dwar l-ewwel għajnuna u dwar lgħaqdiet li joffru dan it-tip ta' servizz u dwar l-istorja tal-ewwel għajnuna f'Malta. Fit-tieni kapitlu hemm tagħrif dwar il-lingwi f'Malta u kif żviluppat il-qagħda lingwistika tul is-snin u kif tinsab illum il-ġurnata. Fit-tielet kapitlu hemm it-teoriji marbutin mas-sengħa tattraduzzjoni u hemm ukoll tagħrif dwar it-traduzzjoni teknika, l-istil u d-diffikultajiet li wieħed jiltaqa' magħhom waqt it-traduzzjoni ta' testi mediċi. Ir-raba' kapitlu jiġbor fih it-traduzzjoni tal-manwal tal-ewwel għajnuna u l-analiżi tad-diffikultajiet li kien hemm tul il-proċess tattraduzzjoni u kif dawn ġew megħluba. Il-ħames kapitlu huwa l-glossarju tat-termini tekniċi li jidhru f'dan il-manwal fejn huma tradotti lejn il-Malti u għal kull terminu hemm definizzjoni u eżempju bil-Malti. Din it-teżi tingħalaq permezz tal-konklużjoni li tinsab fis-sitt kapitlu fejn fiha hemm kummenti dwar l-użu ta' din it-teżi u dwar l-importanza tal-manwal tal-ewwel għajnuna bil-Malti.