Sunett f’gieh Dun Mario Agius minn Nazzareno M. Caruana

Abstract

Fi Frar ta’ din is-sena, Raħal Ġdid ħa qatgħa kbira hekk kif ġriet l-aħbar li miet Dun Mario Agius. F’din il-ħarġa, nixtieq nikkommemora lil Dun Mario Agius b’poeżija li ġiet miktuba f’ismu. Jekk kien hemm xi ħaġa li Dun Mario Agius kien jobgħod kien it-tifħir żejjed. Dak li kien jgħid kien jipprattikah f’ħajtu. Qatt ma ftaħar b’għemielu. Agħmel numru ta’ opri li żammhom mistura u qatt ma qal lil ħadd li hu għamilhom, l-anqas lill-istess ħutu jew ħbieb intimi. Huwa nnifsu ħallas għal numru ta’ oġġetti tal-fidda għall-knisja parrokkjali ta’ Kristu Re ta’ Raħal Ġdid u meta wrejtu li kont naf li hu għamilhom, ma tantx ħa pjaċir. Staqsieni kif kont naf. Hawn qed nirreferi għall-irjus tal-fidda li saru għas-salib tal-vara l-kbira u l-ostensorju tal-Vero Legno bil-pedestal tiegħu,kollha xogħol fil-fidda. Ktibt dwar dawn l-opri li Dun Mario għamel, fil-ħarġa tas-Saltna ta’ din is-sena. Kien bniedem ta’ qalb kbira, u għamel unur lill-parroċċa tagħna.