Zewg studji ta' awtur : Carmel G. Cauchi u Charles Casha

Abstract

Din id-dissertazzjoni tippreżenta l-idea ta' studju ta' awtur bħala mod ta' kif wieħed jista' jorganizza s-Sillabu tal-Esperjenza Letterarja fis-sekondarja. Għal dan il-għan intgħażlu żewġ awturi Maltin: Carmel G. Cauchi u Charles Casha. Għal kull awtur ippreżentajt ġabra ta' lezzjonijiet lill-istudenti tat-tieni jew it-tielet sena tal-iskola sekondarja, skont it-tieni punt organizzattiv tal-Iskaluni: l-awtur. Għażla ta' dawn il-lezzjonijiet ġiet evalwata permezz ta' kwestjonarju lil sitta u għoxrin studenta, erba' intervisti lil għalliema differenti u l-ġurnal tar-riċerkatriċi nnifisha. Ħareġ ċar li l-parteċipanti kienu favur ħafna l-idea tal-istudju ta' awtur. L-istudenti saru jafu aktar lill-awtur, speċjalment meta ltaqgħu miegħu personalment. Din ir-relazzjoni li bnew se tgħinhom biex jorbtu ħajjet il-kittieb mal-produzzjoni letterarja tiegħu, u b'hekk se jifhmu l-letteratura aħjar. Minħabba r-rispons pożittiv, jiena nħoss li għandu jkun hemm bidla fil-mod kif wieħed iħares u jorganizza l-letteratura fi skola sekondarja, u kif din għandha tiġi mgħallma.