Il-maskilità f'xi novelli Maltin

Abstract

Dan ix-xogħol sa jistħarreġ aspetti differenti tal-maskilità kif jidhru fin-narrattiva qasira moderna u kontemporanja, permezz ta' analiżi ta' eżempji meħudin minn Newbiet ta' Frans Sammut, il-linja l-ħadra ta' Clare Azzopardi u Lura d-dar u Ġrajjiet oħra li ma ġrawx ta' Walid Nabhan. Dan l-istħarriġ sa jsir fid-dawl ta' dak li jgħidu studjużi differenti dwar il-maskilità u dwar ir-raġel fis-soċjetà, kif ukoll b'paragun ma' kif jidhru l-irġiel fil-letteratura tradizzjonali Maltija. Ir-riċerka tfittex li tispjega kif il-letteratura tirrifletti kemm il-kundizzjonijiet li toħroġ minnhom kif ukoll l-interessi ta' min jipproduċiha.