Il-partijiet tal-ġisem fil-qawl Malti

Abstract

Din it-teżina tittratta l-qwiel użati fil-lingwa Maltija, b’referenza partikolari għal dawk li jirreferu għall-partijiet varji tal-ġisem uman. L-istudju se janalizza kemm ir-referenzi korporali letterali kif ukoll dawk li jagħmlu referenza metaforika. Għal dan il-għan, ġew ikkonsultati il-volum ta’ proverbji miġburin minn J.S.Manduca, b’tifsir minn Ġorġ Mifsud, Il-'Qawl Iqul', u d-dizzjunarju ‘A Comparative Dictionary of Maltese Proverbs’ ta’ Joseph Aquilina. L-istudju jiġbor ’il fuq minn elf qawl li b’xi mod jew ieħor jagħmlu referenza lejn ilġisem uman. It-teżina hija mqassma skont il-partijiet differenti u l-qwiel jiġu interpretati wkoll skont studji dwar il-ġisem biex b’hekk tinħoloq stampa kulturali wiesgħa tal-fenomenu tal-qawl. Minn din ir-riċerka jirriżulta li mhux il-partijiet kollha tal-ġisem huma ttrattati l-istess mill-qwiel Maltin: uħud, bħall-għajnejn u r-ras jispikkaw ħafna aktar minn partijiet oħrajn, jew saħansitra ċerti organi, pereżempju l-organi sesswali, huma mwarrba għal kollox.