Il-vleġġa satirika ta' Oliver Friggieri : ‘Fil-Gżira Taparsi Jikbru l-Fjuri’

Abstract

Dan l-istudju janalizza mill-qrib in-novelli ‘Fil-Gżira Taparsi Jikbru l-Fjuri’ kemm mil-lat stilistiku kif ukoll mil-lat tematiku. L-istudju juri li għalkemm f’dawn in-novelli Oliver Friggieri jinħass stilistikament differenti minn dak li kiteb qabel u wara, tematikament huwa simili ħafna għax-xogħlijiet preċedenti tiegħu. L-istil f’din il-ġabra ta’ novelli huwa, fil-qofol tiegħu, satiriku u għalhekk fil-bidu tingħata ħarsa lejn minn xiex inhi magħmula s-satira kif ukoll l-istorja tagħha. L-istudju jikkonsidra wkoll l-andament politiku, reliġjuż u soċjoloġiku ta’ Malta bejn l-1960 sal-1990 u kif dan jinforma lil dawn in-novelli. Barra minn dan, din it-teżina tipparaguna u tikkontrasta din il-ġabra mal-kitbiet ta’ proża u poeżija tal-istess awtur.