In-neoliberaliżmu u l-globalizzazzjoni

Abstract

Ix-xenarju ekonomiku u politiku ta’ żminijietna huwa kkaratterizzat millfilosofija neoliberali u r-realtà tal-globalizzazzjoni. Dawn huma żewġ termini li jintużaw minn ħafna nies f’diversi ċirkostanzi, imma mhux bilfors li nkunu qegħdin nifhmu l-istess ħaġa meta nirreferu għalihom. Tant daħlu f’ilsien il-poplu li, sikwit, ikunu miżinterpretati jew użati ħażin. Tkellimt mal-ekonomista l-Professur Philip von Brockdorff biex nistħarreġ in-natura u l-implikazzjonijiet tan-neoliberaliżmu, filwaqt li ħadt ilkummenti tas-soċjoloġiku r-Rev. Professur Carmel Tabone O.P. fir-rigward tal-globalizzazzjoni. Ftaħt id-diskussjoni fuq in-neoliberaliżmu li, skont ismu stess, jindika li huwa verżjoni ġdida ta’ dak li kien il-liberaliżmu klassiku jew oriġinali. Grafika 14.1 toffri sinteżi tad-differenzi u ssimilaritajiet ta’ bejn iż-żewġ verżjonijiet.