Għalfejn u lil min inkitbet l-ewwel ittra ta’ San Ġwann?

Abstract

Mir-Raba' Seklu, il-kitbiet kollha ta' San Ġwann, jiġifieri, l-Evanġelju, it-Tliet Ittri u l-Apokolassi, kienu mniżżlin taħt l-isem ta' "Ġwanni;' li ħafna drabi hu identifikat ma' Ġwanni, bin Żebedew Ii jissemma fl-Evanġelju. Ix-xhieda għal dan iżda hija komplessa, u għalhekk illum ħafna mill-istudjużi jippreferu jitkellmu dwar aktar minn awtur wieħed Ii jagħmel parti mill-komunita/skola ta' San Ġwann. Fir-rigward tad-data ta' meta nkitbu l-Ittri ta' San Ġwann ma nistgħux inkunu ċerti. Żgur li sat-tieni seklu, l-Evanġelju skont San Ġwann u tal-inqas l-Ewwel u t-Tieni Ittri ta' San Ġwann kienu magħrufa għall-Missirijiet tal-Knisja tant illi jikkwotaw minnhom fil-kitbiet tagħhom. Ħafna mill-istudjużi għalhekk jiddattaw dawn il-kitbiet lejn l-aħħar tal-ewwel seklu.