Kemm hi għażiża l-kelma tiegħek Mulej : Lectio Divina għall-Evanġelju ta' żmien ir-Randan, Sena Ċ

Abstract

Fl-ewwel Ħadd tar-Randan, il-Knisja taqra l-episodju tat-tentazzjonijiet ta’ Ġesù mix-xitan. Huma t-tliet Evanġelji Sinottiċi li jagħtuna dan l-episodju hekk kif ir-Raba’ Evanġelista jħallih barra min-narrattiva tiegħu. F’din is-sena liturġika, ser naqraw dan ir-rakkont kif jagħtihulna San Luqa, li bħal San Mattew inkluda fih il-kontenut ta’ tliet tentazzjonijiet bid- djalogu bejn ixxitan u Ġesù. Dan ifisser li kemm San Luqa, kif ukoll San Mattew, żiedu fuq dak li sabu f ’San Mark li kiteb qabel u li jirrakkonta dan ir-rakkont b’mod mill-aktar konċiż. San Luqa jaqbel ma’ San Mattew fil-kontenut tattliet tentazzjonijiet, għalkemm l-ordni tat-tieni u tattielet tentazzjoni hija maqluba, b’mod illi f ’Mattew it-tentazzjoni għall-qima lejn ix-xitan insibuha fl-aħħar. [Silta mill-Meditatio]