Preżentazzjoni [Sliem għalik Ġużeppi bin David]

Abstract

"Iż-żewġ Evanġelisti li xeħtu dawl fuq il-figura tiegħu, Mattew u Luqa, ftit jirrakkontawlna, imma biżżejjed biex juruna xi kwalita ta' missier kien u l-missjoni li fdatlu f'idejh il-Providenza:' Huwa b'dan il-kliem li l-Papa Franġisku jiftaħ l-Ittra Appostolika Patris Corde mnedija fit-8 ta' Diċembru 2020, fl-okkażjoni tal-150 Anniversarju mid-Dikjarazzjoni ta' San Ġużepp bħala Patrun tal-Knisja Universali. L-Evanġelju huwa katekeżi fuq il-persuna ta' Ġesu Kristu. Nistgħu nifhmu għalhekk li l-preokupazzjoni ewlenija tal-Evanġelisti fir-rakkonti rispettivi li ħallewlna kienet li jikkonċentraw fuq il-persuna u l-ministeru ta' Ġesu bħala l-Iben ta' Alla li sar bniedem, "Biex kull min jemmen fih ma jintilifx, iżda jkollu l-ħajja ta' dejjem:' (Ġw 3:16) F'rabta ma' Ġesu, l-Evanġelisti jinkludu numru ta' personaġġi nisa u rġiel li jemmnu biex b'hekk jiġu murija bħala mudelli għalina fil-mixja tagħna wara Ġesu. Post dawn il-personaġġi bibliċi ma nistgħux ma nsemmux lil San Ġuzepp, ir-raġel ta' Marija jew aħjar il-bniedem ġust kif jiġi msejjaħ fil-paġni tal-Evanġelju fil-linja ta' tant personaġġi bibliċi oħra li għexu ħajjithom qrib il-Mulej Alla.