Il-ħniena fl-evanġelju skont San Ġwann : il-ħniena quddiem id-dnub (Ġw 7, 53-8, 11)

Abstract

Il-lingwaġġ tal-ħniena espress bi tliet nomi biI-Grieg - eleos, oiktrimos u splanchnon – Ii jintuża fit-Testment il-Ġdid huwa kompletament nieqes fil-vokabularju tal-Evanġelju skont San Ġwann. Dan forsi minħabba Ii l-enfasi f'dan l-evanġelju mhijiex dwar il-ħniena ta' Alla murija f'lbnu Ġesu Kristu, daqskemm id-dehra tal-glorja u tar-rivelazzjoni ta' Alla Ii dehret fil-Verb [logos] inkarnat. Madanakollu, f'dan l-istess evanġelju hemm episodju, f'forma ta' rakkont, Ii jesprimi b'mod konkret il-ħniena ta' Alla murija f'lbnu Ġesu. Dan hu l-episodju Ii baqa' magħruf bħala "I-mara Ii nqabdet fl-adulterju" (Ġw. 7, 53-8, 11). F'dan l-artiklu ser nikkonċentraw fuq dan l-episodju, Ii l-Knisja aċċettatu bħala parti mit-test ispirat u kanoniku, biex naraw kif il-ħniena ta' Alla murija f'lbnu Ġesu mhux biss tikkuntrasta l-ipokrisija tal-qalb iebsa ta' dawk Ii jippruvaw jieħdu I-post ta' Alla, Ii hu waħdu 'mħallef', imma wkoll sabiex naraw kif din ħniena tagħti lill-bniedem I-opportunita Ii jibda ħajja ġdida u ħielsa.