Kienu jaqsmu l-ħobż fi djarhom : l-aspett ta’ komunjoni fl-ewkaristija (1)

Abstract

Minn fost l-erba’ evanġelisti, San Luqa huwa l-uniku wieħed li ħalliena wkoll it-tieni volum tiegħu magħruf aħjar bħala l-ktieb ta’ l-Atti ta’ l-Appostli. F’dan il-ktieb, l-awtur jippreżentalna l-ġrajjiet ewlwnin tal-Knisja tal-bidu f’Ġerusalemm u kif din xterrdet sakemm San Pawl wasal Ruma, iċ-ċentru ta’ l-Imperu Ruman. Fost il-ġrajjiet li jispikkaw f’dawn iż-żewġ volumi ta’ San Luqa hemm dik ta’ l-Ewkaristija. Huwa sabiħ ħafna l-mod kif dan l-awtur jitkellem dwar l-Ewkaristija. Hawn huwa jorbot it-tifsira ta’ l-Ewkaristija ma’ l-aspett ta’ ikla li tgħaqqa flimkien lil dawk kollha li jieħdu sehem mal-persuna ta’ Ġesu.