Ir-raġuni u l-imġieba fl-għażliet ekonomiċi

Abstract

Tradizzjonalment l-istudju tal-ekonomija dejjem qies lill-bniedem bħala persuna razzjonali. Persuna Ii tħaddem moħħha biex tagħmel l-aħjar użu mill-ftit riżorsi Ii għandha biex tkun tista' tiggwadanja l-massimu minnhom, sew jekk huma flus u kif ukoll jekk huma fil-forma ta' propjeta, artijiet, assi u l-bqija. Il-bniedem moħħu floku se jieħu l-aħjar deċiżjonijiet meta jiġi biex jikkonsma l-prodotti u s-servizzi bl-iskop li jissodisfa l-bżonnijiet tiegħu bl-aħjar mod possibbli. Meta jiddeċiedi, il-bniedem għandu jikkalkula x'jaqbillu u ma jaqbillux; x'inhu tajjeb u x'inhu ħażin; x'inhu immedjat u x'jista' jistenna għal għada. B'dawn il-kalkoli bbażati fuq l-informazzjoni, il-bniedem razzjonali jagħmel l-għażla tiegħu u jixtri biss dak li hu tajjeb għalih u Ii jkun jaqbillu. Dan hu l-prinċipju ewlieni tal-mudell klassiku tal-ekonomija mfassal fuq ir-razzjonalita.