L-Intervista. Patri Charlò Camilleri O. Carm. jitkellem ma’ IL-PONT dwar il-ġabra ta’ poeżiji bil-linka tfawwar poeżiji ta’ patri Feliċjan Bezzina O. Carm. (1933-2020)

Abstract

Feliċjan innifsu kien ilu juri x-xewqa li l-opra poetika tiegħu tiġi mitbugħa. Qed nitkellmu hawnhekk minn damma ta’ tmien mitt poeżija miktuba bejn l-1978 u l-1998. Huwa beda biex bl-għajnuna tas-Sur Charles Magro jittajpja l-poeżiji kollha. Imbagħad għaddihom lill-Editur tal-Karmelu sabiex jieħu ħsieb jara kif dawn jistgħu jiġu mitbugħa, u din il-biċċa xogħol tħalliet f’idejja. P. Feliċjan dam sal-aħħar b’metikolożità ċertożina jorqom il-kitba tiegħu. B’xorti ħażina huwa laħaq miet qabel il-proġett kien mitmum. Tajjeb ngħidu li din id-Damma tidħol fil-ġeneru tal-filosofija poetika fejn l-awtur ifisser il-viżjoni filosofika tiegħu tal-ħajja billi jħaddem il-ġeneru poetiku.