Is-sengħa tat-talb : it-talb tal-ġabra mill-għejun tal-Karmelu

Abstract

It-Talb tal-Ġabra: Dan il-ktejjeb li għandek f’idejk jixtieq iwieġeb għas-sinjali ta’ żminijietna. Ħiereġ mhux biss minn tradizzjoni ta’ tminn mitt sena, iżda wkoll mill-esperjenza tal-awtur fl-iskola tal-Karmelu. Huwa fuq kollox tweġiba għal talba ta’ bosta li jħabbtu l-bieb tal-Karmelu biex jitmexxew fil-ħajja ġewwinija: il-ħajja tat-talb u l-kontemplazzjoni. Dawn huma l-qalba tal-ħajja Karmelitana u tat-talb Karmelitan. L-awturi u l-qaddisin Karmelitani ġeneralment, meta jitkellmu fuq it-talb, ikunu qed jifhmu l-ħajja ġewwinija li tinbena mhux fuq kemm tgħid talb jew kemm taħseb tajjeb u sabiħ fuq Alla, iżda fuq l-għarfien tagħna nfusna quddiem Alla, il-ġibda lejh u t-telqa f’idejh fl-imħabba. [Silta]