Proprju tal-Liturġija tas-Sigħat tal-Ordni tal-Aħwa tal-Imqaddsa Verġni Marija tal-Għolja tal-Karmelu

Abstract

Kienet ilha tinħass il-ħtieġa li jkollna Proprju tal-Liturġija tas- Sigħat aġġornat u sħiħ kemm jista’ jkun biż-żjidiet tal-qaddisin ġodda li kienu ġew mitbugħin f’żewġ ktejjeb fl-1999 u fl-2001 bħala żjieda għall-ewwel edizzjoni tal-1983. L-Ordni nnifsu ilu għal dawn l-aħħar snin jaħdem biex jirrevedi l-Kalendarju Liturġiku u sabiex dan ikun approvat mill-Kongregazzjoni għall-Kult u d-Dixxiplina tas- Sagramenti. L-approvazzjoni fil-fatt waslet din is-sena (ara l-Ittra tal- Pirjol Ġenerali 13.12.2021 Prot. 272/2021). Il-Kummissjoni Liturġika Provinċjali wkoll imxiet ma’ din ir-reviżjoni tal-Ordni fittfassil tal-Missal Karmelitan mitbugħ dan l-aħħar. Il-Proprju tal- Liturġija tas-Sigħat mexa fuq dan l-aġġornament. Għaldaqstant din li għandna f’idejna issa tista’ tissejjaħ tassew it-tieni edizzjoni tal- Proprju tal-Liturġija tas-Sigħat bil-Malti. Biex ħdimt din l-edizzjoni, wara li l-Kummissjoni Liturġika għaddietli t-traskrizzjonijiet ta’ wħud mit-tieni lezzjonijiet għall- Uffiċċju tal-Qari, bdejt nirrevedi l-innijiet mil-Latin u għal xi tifkiriet ktibt innijiet ġodda waqt li għal oħrajn qlibt għall-Malti mil-Latin innijiet liturġiċi mit-tradizzjoni tal-Ordni. [Silta mill-Kelmtejn qabel ta' P. Charlò Camilleri, O.Carm.]