Misteru Buffu

Abstract

Dario Fo huwa l-ġjullar li mhux biss għadu eżistenti u ħaj fiż-żminijiet ta' llum iżda huwa parti minn katina ta' tradizzjoni teatrali li kulħadd ipprova jordom imma li hu żammha ħajja bil-preżenza fiżika, intellettwali u spiritwali tiegħu. Kif jgħid Lanfranco Binni fil-ktieb Dario Fo (ed. Il Castoro, 1977, pp. 52-54), it-teatru epiku tal-ġjullar medjevali kien jirrifletti b'mod kostanti l-protesta popolari kontra l-ħakma u l-poter ta' l-awtoritajiet predominanti. Hawn Kristu dejjem jidher bħala l-bidwi, il-miskin illi dejjem jirrifjuta l-pożizzjoni reliġjuża fejn jidħol il-poter materjali. Minħabba din il-funzjoni l-ġjullar kellu jħallas b 'ħajtu jew bi tradiment billi ttrasforma ruħu f'dak li llum insibuh bħala l-Buffu tal-Qorti. Aktar ma dan ilbuffu tal-qorti sab postu fil-ġerarkija soċjali, aktar spiċċa fid-dlam il-ġjullar. [Daħla minn Prof. Guzeppi Schembri Bonaci]