Ġwanni ta' San Sansun : "Osservazrjonijiet fuq ir-regola Karmelitana"

Abstract

L-Erbatax-il Ktieb ta' fra Ġwann ta' San Sansun fil-kollezzjoni ta' kitbiet li ġabar P. Donatien ta' San Nikola jġib l-isem sempliċi u dirett "Osservazzjonijiet fuq ir-Regola Karmelitana." Kif diġà għedna, P. Donatien ġabar flimkien, f'ordni biex jinftiehem, kitbiet li oriġinarjament kienu diskorsi jew konferenzi li spontanjament in-novizzi ta' fra Ġwann ittraskrivew hu u jitkellem. Minħabba f'hekk, il-lingwaġġ ta' fra Ġwann mhux dejjem hu faċli biex tifhmu. Imma l-ordni ta' P. Donatien tagħmel possibbli li aħna napprezzaw mhux biss l-istruttura fiha nnifisha (għax f'din naraw x'tip ta' influss kellu fra Ġwann fuq iddixxipli tiegħu) imma ċertament ukoll il-kontenut mistiku tad-diskorsi ta' fra Ġwann . Għalhekk, f'dan il-kummentarju wkoll, bħal fil-kitba "Il-Veru Spirtu tal-Karmelu" naraw imżewqin l-esperjenza mistika ta' fra Ġwann, ir-ruħ tar-riforma tal-Karmelu Franċiż fis-seklu 17, flimkien ma' dik ta' P. Donatien li għamel din l-esperjenza aċċessibbli għalina llum.