Il-motif tal-ilma fil-lirika ta' Gioele Galea

Abstract

L-ilma huwa motif xieraq għas-sekwenza (aktar milli ġabra) ta’ poeżiji li jiffurmaw din il-pubblikazzjoni ta’ Gioele Galea. Bħall-ilma ġieri li sikwit ma jurikx mnejn ġej jew fejn sejjer, il-poeżiji tiegħu ma jurux kif ġieb u laħaq fejn tibda jew fejn tieqaf il-fluwidità inferenzjali tagħhom, li sikwit tikkorrispondi mal-prekarjetà tar-ruħ. L-istil minimalista ta’ Galea, mimli lakuni evokattivi, iħalli lil din il-fluwidità tfeġġ biss fil-kulminu (spiritwali u organiku) tagħha, jiġifieri bħala forza meħlusa wara li tkun ilha żmien twil tinġema’. Dan il-kulminu sikwit jintrabat ma’ xi aspett kinetiku tal-ilma, li minnu nnifsu jassumi diversi għamliet ta’ moviment: joqtor, jgħawwar, jixxerred, imewweġ, joqgħod, ifur, jofrogħ, iħoll, jgħaqqad, inixxi, jiskula, u jirrifletti, fost għadd ġmielu ta’ eżempji oħra. Din ilvarjazzjoni fl-imġiba tal-ilma ssir l-aktar interessanti, madanakollu, fejn mhux biss testendi l-għalqa tematika ta’ Galea, iżda tinfiltra wkoll il-mod operattiv tat-teknika rettorika, stilistika, u figurattiva tiegħu. [Silta]