Il-figura ta’ Tumas fl-Evanġelju skont San Ġwann

Abstract

Kull Evanġelista għandu l-mod tiegħu kif jirrakkonta u jippreżenta l-karattri li jagħmlu parti minn narrativa tiegħu. L-Evanġelista San Ġwann mhuwiex eċċezzjoni għal dan, hekk kif huwa jsemmi bosta karattri maskili u femminili. L-importanza ta’ dawn il-karattri li jissemmew f ’dan l-Evanġelju toħroġ mill-mod kif huma jiddistingwu ruħhom fir-relazzjoni tagħhom ma’ Ġesù. Xi wħud minnhom huma murija bħala persuni li emmnu f ’Ġesù, oħrajn bħala persuni li baqgħu ma emmnux fih, jew li baqgħu jaħbu l-fidi tagħhom f ’Ġesù minħabba l-biża’ ta’ persuni oħrajn.