Is-sensibilità femminili bħala djalogu ma’ l-ieħor

Abstract

Daħla kritika għall-ġabra poetika bit-titlu 'Iżda Mhux Biss' ta' Maria Grech Ganado.

Il-Mara bħala Diskors: Maria Grech Ganado tiddistingwi bejn il-mara bħala test magħluq u l-mara bħala diskors li għadu qiegħed jiġi ffurmat. Din l-għażla toħloq tensjoni bejn diskors soċjalment aċċettabbli li jfassal femminilità ordinarja, u l-figura femminili meħlusa minn dan il-lingwaġġ ristrett b'indefinitezza poetika. Għad li mingħajr lingwaġġ konvenzjonali l-mara ma tistax iżżomm identità, ir-rekwiżit ewlieni biex tkun tista' titkellem, mingħajr id-deformazzjoni poetika ta' dan il-lingwaġġ tkun preskritta mill-istituzzjonijiet soċjali u kulturali li jagħmluha fin-normalità tad-diskors. Bħal kull identità oħra, l-identità femminili tingħata s-setgħa titkellem għax hi suġġett f'sentenza miksuba mill-istituzzjonijiet li jagħmluha stqarrija "korretta." 'Il barra mid-damma ta' sinjali li jikkostitwixxu s-sentenza, jgħid R. Barthes, ma hemmx suġġett. [silta]