Il-Kitba tal-Kliem Missellef mill-Ingliż fil-Malti

Abstract

Uriel Weinreich fix-xogħol tiegħu Languages in Contact jgħid li" ... a /inguistic community is never homogeneous and hardly ever se/fcontained...linguistic changes have been shown ta spread like waves through space.” Hija ħaġa normali li meta komunitajiet lingwistiċi jiġu f'kuntatt, jinfluwenzaw lil xulxin f'bosta aspetti bħal, ngħidu aħna, drawwiet, ideat u modi ta' għajxien u ma' dawn x'aktarx li jiġu trażmessi wkoll il-forom tat-taħdit li jirreferu għalihom. It-tislif lessikali huwa konsegwenza naturali ta' żewġ ilsna li jiġu f'kuntatt u jseħħ minħabba bosta raġunijiet kemm ta' ħtieġa, moda, prestiġju jew minħabba 'għażż mentali'. F'dan il-proċess, meta l-kliem jgħaddi minn lingwa għal oħra, x'aktarx iġarrab tibdil f'xi aspett lingwistiku tiegħu bħal ngħidu aħna, jista' jkun immodifikat fit-tifsira tiegħu jew fil-pronunzja. Jista' jġarrab ukoll tibdil fil-mod li bih jinkiteb minħabba n-nuqqas ta' xebh li jkun jeżisti fis-sistemi fonoloġiċi u ortografiċi bejn lingwa u oħra.