Ir-rumanzi dwar is-snin tmenin minn lenti kontemporanja

Abstract

Din it-teżina tittratta n-narrattiva storika kontemporanja, bl-isfond tas-snin tmenin li huwa fundamentali għan-nisġa tar-rumanzi; ‘Castillo’, s-‘Sriep Reġgħu Saru Velenużi’ u’ X’Seta’ Ġralu lil Kevin Cacciattolo’? L-għan ewlieni ta’ dan l-istudju huwa li jidentifika l-perspettiva tas-snin tmenin tar-rumanziera kontemporanji. Il-punt tat-tluq kien it-teżi ta’ Emanuel Psaila, Is-Snin Tmenin u l-Prożaturi Maltin (2009), li diġà stħarrġet dawn is-snin fil-kuntest tan-narrattiva li nkitbet fiż-żmien attwali minn Friggieri u Żahra, u tat ħarsa wkoll lejn xi kittieba post-disgħin fosthom Immanuel Mifsud u Karl Schembri. Ir-rumanzi storiċi kontemporanji wessgħu d-dimensjoni talħarsa tagħhom minħabba d-dinamika ġdida tas-soċjetà u tal-pajjiż. Dawn ġew studjati fid-dawl tat-teorija ta’ Benedict Anderson, bil-premessa tan-“nazzjon” bħala komunità immaġinarja. Din l-asserzjoni kellha tiġi mmodifikata għat-tliet rumanzi studjati għaliex diversi episodji huma kkaratterizzati mill-vjolenza politika u jixhdu li lindividwi, għalkemm kienu Maltin, aktarx kienu jħossu sens ta’ affinità mal-partit aktar milli mal-pajjiż. Fuq kollox, l-istudju jinvestiga ż-żewġ komunitajiet immaġinarji tat-tmeninijiet u jagħti ħarsa ħafifa lejn l-isfera kulturali u soċjali tal-perjodu.