L-Islogans elettorali : ir-retorika politika f'Malta

Abstract

L-islogans elettorali spiss jintużaw bħala forma ta’ retorika sabiex iwasslu messaġġ jew jipperswadu lill-elettorat jappoġġa kandidat, partit jew ideoloġija politika partikolari. Dawn ġeneralment ikunu frażijiet qosra u tal-widna, li wieħed faċli jiftakarhom u jirrepetihom u għaldaqstant huma għodda qawwija biex wieħed jikkomunika messaġġ jew jimmobilizza l-appoġġ. Eżempji ta’ slogans li ntużaw matul kampanji elettorali nazzjonali jinkludu “Ġid, fiduċja u direzzjoni” tal-Partit Nazzjonalista fl-elezzjonijiet tal-1998 u “Futur aħjar: l-ewwel int” tal-Partit Laburista fl-2003.

Slogan ikollu l-kwalitajiet li tiftakru faċilment, ikun qasir u jappella għall-udjenza li għaliha jkun maħsub. Numru ta' osservaturi jsostnu li s-slogans jew il-catchphrases huma ftit jew wisq l-uniku mod li bih iċ-ċittadini jistgħu jesprimu l-fehmiet tagħhom personalment u ripetutament favur jew kontra kandidat jew proposta partikolari. “L-islogans jinkoraġġixxu l-interess u l-parteċipazzjoni fis-sistema politika imma ma jrawmux għarfien profond dwar kwistjonijiet pubbliċi” (Newsome, 23). [excerpt]