‘Dirgħajk rotob dejjem wennsuni’ : l-esperjenza materna skont poetessi Maltin

Abstract

Dan l-istudju jagħti ħarsa lejn diversi poeżiji ta’ tliet poetessi Maltin, Simone Galea, Nadia Mifsud u Claudia Gauci, li jindirizzaw it-tema tal-maternità. L-analiżi talpoeżiji ssir minn lenti Femminista b’referenza partikolari għax-xogħol ta’ Simone de Beauvoir, Julia Kristeva, Hélène Cixous, kif ukoll Adrienne Rich. It-teżina tibda billi tagħti ħarsa lejn diversi teoriji u studji Femministi li tkellmu dwar il-maternità millperspettiva tan-nisa. Imbagħad, l-istudju jkompli billi janalizza l-aspett matern fit-tliet poetessi u r-relazzjoni tagħhom ma’ binthom. L-analiżi tal-poeżiji tevalwa wkoll irreferenzi għall-ġisem femminili b’dak kollu li b’xi mod jista’ jkun marbut mal-aspett matern. Fl-istudju tiġi aċċentwata d-differenza bejn il-kitba b’tema materna miktuba minn mara u dik li nkitbet mill-elementi tal-patrijarkat. It-teżina tiddiskuti l-aspetti pożittivi kif ukoll dawk negattivi tal-maternità skont il-kitba tal-poetessi. Fid-diskussjoni hemm aċċenn għal aspetti li ma tkellimx dwarhom il-patrijarkat. L-istudju jittratta wkoll l-assenza talmissier flimkien mal-matriċentralità f’kull poetessa.