Il-filosofija romantika tan-natura fil-poeżija ta’ Ġorġ Zammit

Abstract

F’dan l-istudju tiġi studjata l-filosofija Romantika tan-natura sublimi fir-relazzjoni tagħha mal-umanità, u kif il-kunċetti Romantiċi jiġu attwati fil-poeżiji ta’ Ġorġ Zammit. Tingħata ħarsa wkoll lejn kif kittieba Romantiċi esprimew natura li tista’ tqarraq bilbniedem għax turi wiċċ b’ieħor jekk tittieħed f’burdata waħda biss tagħha, minflok titqies bħala ħolqien li daqqiet ikun ġentili u daqqiet oħra jkun distruttiv. L-iskop ewlieni ta’ din it-teżina huwa stħarriġ dwar kif Zammit ma kinitx tbeżżgħu daqskemm tattirah din innatura kiefra u aggressiva, primarjament għax kien isib fiha l-wens, iħoss fil-postijiet tagħha element spiritwali, u jiskopri fl-iċken ħlejjaq tagħha konnessjoni mad-Divin. Filqalba tar-Romantiċiżmu teżisti qima profonda lejn in-natura, apprezzament li jittraxxendiha lejn il-forza divina li ħolqitha. Għalhekk, it-teżina tidħol fil-kunċetti dwar postijiet naturali sagri ta’ kittieba Romantiċi bħal Wordsworth, biex it-trattament li jagħtihom Zammit jitpoġġa f’kuntest paragunabbli. Filwaqt li r-Romantiċiżmu huwa moviment li jaqsam temi u ideat komuni, kittieba Romantiċi spiss waslu għal konklużjonijiet distinti dwar in-natura, u dan jidher fl-analiżi ta’ dawn il-perspettivi differenti kif imwettqin minn Zammit.