Ir-retorika kontra yacht marina f’Wied il-Għajn

Abstract

Din it-teżi tanalizza d-diskors ta’ żewġ residenti ta’ Wied il-Għajn, Kurt Camilleri u Jacqueline Rotin, li tkellmu waqt protesta organizzata mill-Moviment Graffitti kontra lproposta ta’ marina fir-raħal f’Awwissu tal-2021. Għalkemm din it-teżi hija analiżi ta’ żewġ diskorsi, il-punt ta’ riferiment ewlieni ser ikun id-diskors ta’ Camilleri. Permezz tarreferenza għad-diskors ta’ Rotin ser joħorġu aħjar l-istrateġiji u t-tekniki retoriċi differenti li jinqdew bihom il-kelliema. Din l-analiżi hija bbażata fuq il-manwal tar-retorika klassika ta’ Aristotli li jippreżenta ideat differenti ta’ kif il-kelliema jistgħu jibnu l-argument tagħhom, b’enfasi fuq il-prinċipji tal-ethos, il-logos, u l-pathos, u s-sitt taqsimiet taddiskors, jiġifieri l-ftuħ, l-istqarrija tal-fatti, id-diviżjoni, il-provi, ir-replika u l-konklużjoni. Wara ħarsa lejn il-proposti ta’ marinas f’dan ir-raħal it-teżi tanalizza d-diskors fi tliet partijiet, il-ftuħ, il-qalba, u l-għeluq tad-diskors. Kull kapitlu jiddiskuti elementi differenti mir-retorika klassika u l-effett tagħhom fuq l-udjenza.