Dun Karm u żmenijietu

Abstract

Din l-ewwel Konferenza DUN KARM u l-oħrajn li għad isiru ’l quddiem setgħu jsiru bilġenerożità tas-Sinjorina Karmen Mikallef Buħaġar. Kienet ilha s-snin taħseb kif tista’ tħalli tifkira dejjiema li biha tweġġaħ lil Dun Karm. L-ewwel ħsieb tagħha kien li tinxtara d-dar fejn twieled il-poeta. Meta din l-idea, għalissa, ma setgħetx isseħħ, ħadet il-parir ta’ ħafna ħbieb tal-Malti u waslet għall-konklużjoni li tħalli somma flus biex biha lUniversità tagħti żewġ premjijiet u tagħmel Konferenza. Bil-kuntratt tas-6 ta’ Novembru 1975 Karmen Mikallef Buħaġar ħalliet lill-Università lflus biex bl-imgħax tagħhom isir premju kull sentejn għall-aħjar teżi fid-Dipartiment talMalti għall-B.A.(Hons.) u għall-M.A. u ssir kull sentejn Konferenza dwar Dun Karm. Ilkonferenza ssir fit-13 jew it-18 ta’ Ottubru, jum il-mewt jew twelid il-poeta, waqt li żżewġ premjijiet jitħabbru wkoll f’waħda miż-żewġ dati. Bis-saħħa ta’ dan il-kuntratt inħatar kumitat magħmul mir-Rettur u l-Kap tad-Dipartiment tal-Malti t-tnejn ex officio u minn Ġużè Cardona bħala rappreżentant tagħha f’Malta. Ilkumitat, billi għas-sena 1975 il-Konferenza ma setgħetx issir fil-ġranet stabbiliti, għażel il-5 ta’ Marzu 1976, jum it-twelid ta’ M. A. Vassalli, bħala data alternattiva u l-Konferenzier magħżul kien il-Prof. Ġużè Aquilina li ta kontribut mhux żgħir fil-Malti flaħħar 39 sena.